ولما غاب حبيبي وزاد في قسوته وظلمه
وزادت شكوتي جوايا اتمنيت حد يروح يقوله
ولما انهارت دموعي وزادت دقات قلبي
صُعُبّْتْ علي طيري وهِرِبّْ علي طول من عشه
وراح لحبيبي يحكيله نوحي ويوصفله حبي
ويترجاه يرحمني ويجيني يفرحني بقربه
وآاه لو يعرف حبيبي اد ايه بَهّْواه وبَحِبُه
وكل يوم ويا النسيم شوقي وحنيني ببعتله
كان ساب الدنيا وغربته وأوام جاني
يِطَفِّي نار اشواقي واسقيه من حبي وغرامي
واقول ايه ولا ايه عن لهفتي وشوقي وعذابي
وعن هواه اللي بيطاردني ومش سايبني في حالي
وأد إيه كنت باسرح وافكر فليالي حبه
وليل ونهار قلبي گان عايش عشان غيابه في نار
ومن كتر شوقي بلاقي قلبي فهواه محتار
وف بُعده بتعدي الليالي عذاب ومرار
والآقي نفسي مشغوله بيه وتايها في عنيه
هيمآنه فيه وعطشانه لعشقه ومشتاقه ليه
والاقي نبض قلبي نعيم جوايا وحاسه بيه
زي احساسي وايدي بتبقي حاضنه ايديه
والاقي نفسي بقوله عن حبي كلام كتير
وعن لياليه شويه احكي وشويه لطيفه اشكي
وشويه من غير تفكير بلاقي نفسي ابكي
والورد اللي زرعهولي بإيديه صبح دبلان
بعد ماكان عبيره ويا النسيم في كل مكان
والعصافير حزينه واتغير التغريد نواح
ومهما قولتلك يآحبيبي ع اللي جوايا من جراح
كل الگلآم اللي انكتب واتقال 
عن عذاب الغربه مش كفاية
وگان منايا تكون جنبي وتحس بيا
وبعنيك وقلبك ياحبيبي شايف هوايا
فعنيا
ده وجودك معايا هوه أكتر حاجه بتمناها
وفرحتي بيك هيا الدنيا وكل هناها
ومهما كان الهنا حواليا غايب عني طول بعدك
وعمر قلبي ماشاف نعيم يآحبيبي غير في قربك
ماانت حياتي وعمري وفرحتي 
وهواك يآحبيبي هوه كل دنيتي