مهما الهموم تصبح بالكوم 
نضحك ولا هيهمنا
إحنا الحاكم واحنا المحكوم
ومالك انتا يا عمنا 
فرح هناك اهه يا خال 
تعالوا ناكل فيه جاتوه
وناخد حته للعيال
إجروا ورا الراجل هاتوه
إلحق يا عبدو أبن بوفيه
أيوه دا فعلا يا سكينه 
شوفيلك كيس وعبى فيه 
رزق العيال المسكينه
مبروك ياست ام العروسه 
إحنا قرايب العريس
أبو العريس يادى الحوسه 
باين عليه ظابط بوليس
لو حد شمك ما يهمك 
إعمل غلطان فى العنوان
قول العروسه بنت عمك 
أو انتا واحد م الجيران
خلص البوفيه يللا نمشى
نلحق هناك واحد تانى
لازم هروح متعشى
والدنيا حلوه وعاجبانى
ربك رزاق المحتاجين
منغير عزومه يتعشوا 
لسا ورانا فرحين تانيين
يللا نستأذن ونمشوا
مش كلنا ناس من هنا
والفرح لينا كلنا 
مهما الهموم تصبح بالكوم 
نضحك ولا هيهمنا