اكتبيني غنوة حلوه 
تتغني طول السنين 
واعزفي لحن المحبة 
دوبيني في الحنين 
وسجليني في التاريخ 
ان انا م العاشقين 
اصل حبك صحي فيا 
قلب مدفون كان ضحية
والحكاية هي هي 
بس تفرق انتي مين 
انتي طير طاير مرفرف
خدني فوق ابعد سحاب
وكتبتي اسمي ع القمر
ورحمتي قلبي م العذاب
علمتيني حب السهر 
وفي حبك انتي قلبي داب
انتي وردة ملكيش مثيل
ولغيرك انتي مقدرش اميل
هارويكي من دمي واشيلك
جوه قلبي ودا قليل
انتي فرحه جت لعندي
غيرت كل الحياة 
عوضت كل اللي فاتني 
نسيت معاه الف اه 
واللي زيك أزاي اوصفه
مقدرش انا اوصف حياه