وردة طيبة
محياها جميل
تفتح مع الندى
تنشر عطر عليل
واخر مطافها
تهمس عن الاصيل
رسمها ربها قلب
ساكن جوه اكليل
خضاره نعناع طيب
وبياضه بياض قلب خليل
زى قلب ناسك
قوله حمد وتهليل
وصمته عجب وتأمل
فى وجود رب جليل
وحالى معاك ياحبى
فرح ماشفتله مثيل
مد ذراعاتك ناحيتى
ويم جنبى ميل
ووسع باعم الغالى
وجهز شفايفك للتقبيل
ياابن العم والعمومة
وفى القرابة سليل
عطرتلك انفاسى
بالوفا والود الجميل
وشبعتلك روحى
من عين سماها
رب العباد سلسبيل
افتح للحب شبابيكك
وخلى قلبك دليل
وافرد لى راحة كفوفك
انام فيها حمامة
بيضة تعشق الهديل
وفى حضن دفء الليالى
اهديلك احلى زغاليل
اديك فوق عمرك عمرى
واقول ده برضه قليل
ولو ملكونى امرى
اوقف النهار بطوله
واوقف ساعات الليل.