سحر عنيك ناداني وعيونك ودوني لعالم تاني
وليل ونهار بفكر فيك وبقيت يآ حبيبي كل انشغالي
خدتني وودتني لدنيا جميله اتمنيت اعيش فيها
دنيا حلوه ولا في الخيال ياما في منامي حلمت بيها
دنيا جنه عيشتها وخلتني اسعد انسان في الوجود
وتوهت بين جمالك وحسنك ونسيت ايامي وحبيتك من غير حدود
ولقيت نفسي فجأة بدوب فيك وفي هواك
ومن خوفي عليك بقيت أداري حبي علي عزالي وانا وياك
وبقيت اراقب كل العيون حواليا لما بكون معاك
اتاريهم مشغولين بيك وكلامهم باين في عينيهم لما قابلتك
عايزين يسألوني عنك ازاي حبيتك وفين شوفتك
ولما بوحت بمشاعرك حبيبي وقولتلي كلمة بحبك
سمعتها وكانت رصاصه دخلت جوه قلبي وسكنت فيه وبقيت ملكك
وارتعش كياني وسكتت جوايا ثورة گانت محيراني
ولما ايدك لمست ايدي توهتني ولقيت مشاعري لأحلى دنيا وخداني