أنا صحيح بضحك
من غلبي
والضحكة خارجة
مولعة نار .....
لازم أضحك
لازم أخبي
أصل الناس ف الدنيا مرار ....
ساعات كتير
ببكي على نفسي
وأنا متخبي خلف جدار ....
لحد يلاحظ ويجري يبعني
لندل خسيس ناشر أخبار ....
أنا يازماني عاكف نفسي
وواخد جنب ليل ونهار ....
مش علشان بريح مخي
ولا علشان ضعيف مقهور......
أنا شديد وطبعي أشد
ولساني ولعه بيرمي شرار ....
ساعة الحق بنسى نفسي
واقلبها دراما ماعندي خيار ....
جنيت كتير والله على نفسي
لرد الحق من الشطار ....
قلبوا عليه الدنيا ياصحبي
وعملوا ليه ألف حصار ....
لأجل أرضخ وراجع نفسي
ويرجع تاني بنا عمار ....
لكن مخي هايفضل مخي
لابيتحرك ولا بينهار ....
آه من الدنيا وآه من ناسها
كل ال قابلته معظمة مكار ...
عنده الكذب أفه ياصحبي
وبطنه واسعة كلها نار ...
ال شوفته توه عقلي
وطير فكري ال كان جبار ....
بقيت أتوه مني لنفسي
وأقول كلام كله عوار ...
أنا صحيح بضحك
من غلبي
والضحكة خارجة
مولعة نار