لنا كافى .. ولا موافى 
ولا معروف اللسكافى 
أنا شايل همى على اكتافى
وآخرك فين يا متعافى
وبتعامل بكل اخلاص
وخدى مداس لكل الناس 
يدوسوا وامشى انا حافى
عليا الدور ألف وادور 
واخبط ع البيبان والدور
أدور ع الحنان مافى 
بقوم وأنام مع اللقلام 
وبتشاكل مع الأيام
وعمرى عدى وموافى
صاحبت الحوت وابو نبوت
ووسع للكلام ليفوت
دا صاحبى وغاوى إتلافى
صالح ومعاه كمان طالح
وعالم دمهم كالح
وميت يمين على السامعين
وتعالى قابلنى لو فالح
وصفتلهم فى أوصافى 
ولسا القلب مش صافى 
على يمينى تلاقى الهوا 
وشمالى علاج وياه دوا
نحكى ونتحكى سوا 
ومش عادى ولا خرافى
ياعم دا ربك الشافى 
قوم احضن صدرك ادفا 
وشوفو يكفى لو كفا
ولف الفرش ميت لفه
ميتى حضن الفراغ دافى 
لنا كافى ولا موافى 
ولا معروف اللسكافى