الخلاصه وباختصار
فيها ورد
ايوه فيها شوك
وفيها ورد
فيها لقا ..فيها بعد
فيهانجم هناك وعالي
اوعي تنسي وفيها ارض
بحر غرام هناك يغرق
هي تفرق
ماهو طولها..زي عرض
فيها مافيها
تبيعك النهارده
بكره هتشتريها
حتي لو هنموت
ماهو شيءبيموت
اعمالك هتلاقيها
فيها جنه
زي مافيها جنه
فيها برضو اشد نار
فيها ناس زهقانه ديما
وناس يعني في البحر عايمه
مكويه يعني من الانتظار
فيها حزن..
ايوه فيها حزن ويا فرح
بس ساعه لماتفرح
يتولد جواك الف جرح
فيها ناس
ايوه فيها ناس وناس
ناس جبانه تتشال علي الراس
وناس تانيه تعبانه
اخرتها مداس
فيها عشق
ايوه فيها عشق 
وفيها اهات وعذاب
تفرق ياابن ادم
حب الروح للروح
ماهو عشق الجسد فاني
وهقولها من تاني
لما تعشق ياصاحبي
اوعاك من عشق كلاب
اياك تنخدع من انثي
وتوهمك بسراب
وتعيش حياتك كلها
يااما تكدب
يااما غرام بعذاب
فيها ايه 
فيها انثي بتفتخر
انها هزمت جدع
وفيها ضرس العقل رافض
انه في يوم يتخلع
وزي مافي غرامك لحظه صفا
باقي لحظاتك كلها وجع
صدقيني بدون مبالغه
كل حاجه جوانا اتنين
الا انت
جواك شوك..براك شوك
وردك خلاص بقي في التراب
تصدقي او تكدبي
بطلت اصدق
بطلت اعشق الكلاب