يلا ياعشاق
اهتفوا..اكتبوا..
اني منها انجرحت
هاتوا كل الحروف وانقشوا
واعلنوا اني اتكسرت
لا والله ابدا
عشت عمري كله
لا اتكسرت
ولا انجرحت
غلطتي بس بسيطه
غلطتي نسيت انها انثي
غلطتي باني سرحت
دي الخيانه والمهانه
وقله قيمه لابسه اهانه
بعترف اني غلطت
-----------------------
فاكره لما قلت
تفرق كتير عشق البني ادمين
عن عشق الكلاب
ويفرق كتيرحب بموده
عن عشق بعذاب
هو يعني لازم معانده
ولا غيره
ولا كدب 
اصلك غبيه 
متعرفيش يعني ايه
لما الحرف جنب الحرف
يبقي كتاب
ويعني ايه نقطه مطر
تكبربحب ..تبقي سحاب
ياغبيه
اتعلمي قبل المشاعر
واوعاك تنسي باني
انا الشاعر
وانا اول من علمك
كل حروف الكتاب
واني اول من فهمك
تبقي حاجه
انت في الاصل
والله ماكنت حاجه
انا اللي حاول يخرجك
من جوه قمقم
من حاول يطلعك
من جوه الجراب
من حاول يطهرك
بس نقول ايه
اللي مش واخد علي الطهاره
اخرته عشق الكلاب
واللي واخد علي الشطاره
يادوب ينام فوق شكاره
ويتفقل عليه الف باب
صدقيني مش معيرة
ولا شماته
غصب عني مبقتش حسك
ولا حتي اني 
في يوم عرفتك
ولا عشقتك
كانك كنت كابوس
وبركعه واحده تطهرت منه
بركعه صدقيني قلبي تاب
امانه عليك
اخرجي من حياتي وخرجيني
انا مش عاوزه نهايتي
ابقي من ضمن الكلاب