ياما قولتلك عن حبي وهوايا لما جيت أتصالح يآ حبيبي
وكنت تهمل گلآمي ومشاعري وبقسوه تجافيني
واتحملت صدك وجفاك وصبرت علي ظلم الفرآق
ولما كنت اجيلك ملهوف للهوي ولحضنك مشتاق
القاك مش حاسس بيآ وبالنار تكويني وتعذب فيآ
وأقول بكره لما الشوق يجيبه ويعذبه هيحس بيآ
واقولك ايه عن ليالي طويله يآحبيبي سهران أفكر
وازاي أحبك الحب ده كله وخصامك قآسي وما بتقدر
واصبر نفسي واقول بكره يندم علي حب الليالي إللي ضاعت منه
وعمره ماهيلاقي قلب مخلص زي قلبي يحبه ويصون وده
ومهما قولتلك عن حبي وإخلاصي ليك مش هقدر عنه أعبر
ده حبك فقلبي يكفي كل العشاق والأحبه وأكتر
أصل حبك يآحبيبي مش حب عادي حبي ليك حب له طعم تاني
حبك ملك قلبي وعقلي وروحي وتاه فيه وجداني وگياني
واتحدي اي عاشق فالكون يحب زي حبي أو يقدر يوصل حتي لخيالي
يآريت يآحبيبي تهدي وتفكر وبلاش تتغير يآ غالي وتشغل بالي
دانا مهما قولتلك ازاي هوصفلك 
حبي وهوايا
وهو فقلبي من زمان جوايا وملوش نهايه
ده انا كل يوم بحبك اكتر من حب اليوم اللي قبله بسنه
ولما كنت اقول لقلبي وانت جنبي هدي ياقلبي يقوللي ده إحساسك مش أنا
إنت الحبيب الغالي والمني والأماني والأحلام
والفرحه اللي ماحد يقدر يوصفها في الغرام
ومن النعيم اللي عشته معاك كنت اقول ازاي يكون بينا يوم خصام
وبعد ماكنت هنايا وفرحتي تفوتني وتخاصمني وتسيبني لوحدتي
وارجع اعيش في الخيال من تاني من غير حبيب يمسحلي دمعتي
ده انا نسيت قسوة ايآمي لما جيت نورت طريقي وحليت دنيتي
ترجع تاني تهجرني وتظلمني وتحرمني نورك وتطفي شمعتي
وعودك وعهودك ليا لما حبيتك أنا صدقتها
ووعودي وعهودي ليك لما حبيتني عمري ما خونتها
وكل كلمة قولتهالي لسه يآ حبيبي فاكرهالك
وكل كلمة حب قولتهالك ليه ناسيها ومهياش علي بالك
لسه ياحبيبي مش قادر اكدب هواك وكلمة وداع اقولهالك
ياريت ماتخيب ظني فيك وتحافظ علي حبي وتصون قلبي
وتعالي نخلي خصامنا يزيد اشواقنا وغرامنا وحبك وحبي