كذب ونفاق / غش وخداع
بعد العناق / يحصل صراع
حتى اللقاء / فى لحظه ضاع
كُل الكلام / شكله جميل
لكن الغرام / محتاج دليل
دمع وخصام / وليل طويل
جرح المشاعر / شىء ذميم
كسر الخواطر / ده اليم
أبو قلب صافى / بيكون حليم
أصل النصيب / من ربنا
وسهام تصيب / فى قلبنا
نصادف حبيب / فى دربنا
لو كنا صادقين / هايحبنا
الصدق ريح / يسموا بنا
اما الخداع / يخسف بنا
ورسولنا قال / لاتكذبوا
والكذابين راح / يتعذبوا
وسط الجحيم / يتقلبوا