جارى التحميل
استخدم زر ESC أو رجوع للعودة
نفسي اتكلم نفسي ابوح
نفسي مكنوش في يوم مدبوح
انا مش عاجز ولا انا جبان
انا واحد يشبه انسان
كان نفسه يكون مش مجروح
ليه مطلعتش حد اناني
نفسه اهم .. مش واحد تاني
عايش كل حياته افراح
ليه دايما اعيش مع احزاني
هو عشان انا عشت لغيري
ابقي ضعيف .. وبينكروا خيري
ولا عشان انا عندي ضمير
طب كنت عملتلي ايه يا ضميري
دايما جي عليا وتأسي
كله بيجرح فيك وبتنسي
وتقول خليك انت الاحسن
خليك ماشي وزي ما ترسي
مع اني ما شوفتش غير قسوة
من حبة اشكال ولا تسوة
قدامك أحباب وقرايب
وفي ضهرك مفيش الا القسوة
حاسدني حتي جراحي
بعد ما ماتت كل افراحي
مش حاسين اني انا بتألم
حتي في عز الليل انا صاحي
نفسي يحسوا اني انا انسان
محتاج فرح وشوق وحنان
محتاج حد يحس بهمي
محتاج ان انسي الحرمان