عبد الراضى قال مش فاضى وست أميمه صاحيه ونايمه حكم القاضى جاى عالفاضى خليها عايمه فى قيامه قايمه من لما ساد فينا الفساد ذهب الجهاد والإجتهاد إكشف ورقك كل من عرقك واصرخ لو ظلمك أو سرقك شوف مين طمع ومين جمع واصبر معايا واستمع وسط الكتير حق الفقير لو مديتوش يذهب يطير لو توفيرك من جيب غيرك مش هيجيلك نوم فسريرك أكل العيال لو مش حلال ميحققوش أبدا آمال ترجع تشكى وعنيك تبكى وتقول ماهو كلو من عكى بعد العدم ما يفيد ندم راح ييجى يوم وتنصدم وياعم كمال دى راحة البال ما بتتاقل أبدا بالمال أكلك شربك يرزق ربك يهديك وينور لك دربك
