أوقات كتيرة 
أدخل بيتي 
نفسي أرتاح 
نفسي أنام ....
الفكر يجيلي 
ويسهرني 
الليل حزنان ....
مش علشان 
أنا عندي 
مشاكل 
الله يبارك 
زوجتي تمام .....
أنا حزنان 
وبقعد أفكر 
ف الغلمان ....
اللى بعضهم 
ماشي على 
كيفة 
وقالب الترابيزة 
جنان ف جنان ....
ماشي يتمرجح 
ف نهر الشارع 
ضارب ياعم 
شريط برشام .....
والست الوالدة
تيجى تعيط 
وتقول دا 
أبني ماشي غلبان .....
أقعد أفهم 
ف الست الوالدة
أبدآ 
ياأبني ..
دا أبني مثال .....
لا له ف الجوزة 
ولا له المدغة 
أبني عيل 
أبن حلال ......
طيب ياأمي 
تقرير المعمل 
جايب 
الدم 
كميا ألوان .....
أبدآ دماغها 
لسه 
محجر 
لا راضي يلين 
ولا فيه أستقبال .....
هو دا 
سبب غلبي 
وال مخليني
على طول غتيان ....
شوفتي يادنيا 
ديما تاخدي 
خيره الغلمان 
لطريق عدمان ...... 
العقل مني 
أتشل بجد 
والفكر مسهرني 
ما بعرف أنام ......
آه من الكيف 
وآه من أسمه 
خله الأرض 
مابقتش أمان ......
ليه نسيب 
عيالنا تلعب 
بدون رقابة 
ونقول 
دا عيال ......
بكرة هايكبر 
جوة الشارع 
ويطلع لص 
وبتاع برشام