ليه يادنيا بتظلمينا..ومن راحتنا بتحرمينا
ومهما صالحنا تخاصمي فينا..وتلعبي يادنيا بينا
ولو غلطنا وجينا ندمنا..حتي لو حلفنا بدموع عنينا
تيجي علينا ماتصدقينا..وتقسي علينا وتكدبينا
ليه يادنيا بتعاندي فينا..وليه بتجني دايماً علينا
يوم معانا ومفرحانا..وسنين يادنيا غداره وظلمانا
مين فينا يادنيا ظالم..والمولي بقلوبنا عالم
ومين فينا يادنيا جاني..وانتي سيبانا نعاني
من قدرنا مخوفانا...وفي الهموم متوهانا
معاكي يادنيا تايها العقول.ويوم ما نفرح. فرحنا مايطول
بالحبايب يادوب تجمعينا.نتعود عليهم تقسي وتحرمينا
مستكتره راحة البال..ومعيشانا في الخيال
حتي واحنا في عز منامنا..سارقه منا حتي احلامنا
ومهما عملتي يادنيا فينا..متحملين يمكن تعوضينا
وحلمنا تحققي احلامنا..حتي لو كان يادنيا في منامنا
ومهما من عمرنا يادنيا ضاع..شوية أماني وحبة امل ننسي كل الأوجاع
ولو رضينا يادنيا بحالنا.ليه تظلمينا وتقولي الوداع
إمته يادنيا يؤون الأوان.نرتاح ونعيش معاكي في أمان
وترضي شويه علينا..او علي همومنا تصبرينا
ياريت تمسحي دموع العين..وتداوي قلوب المجروحين
وننسي أحزانا وكفايه أهات..
وتعوضينا علي العمر اللي فات
يهديكي يادنيا ترضي علينا..وتحسي شويه باللي فينا
وياريت يادنيا قلوبنا تنسي الأسيه.
وتحني علينا بشوية حنيه