ويمين الله تمد يمينك 
ربك يفرجها وهيعينك 
صفر يا وابور قوم ودينا
على جسر الأحلام عدينا
ياحبايب هنونا وباركوا
مع فرحتنا يللا وشاركوا
إسمع وافهم آخر القول 
صابرين ومسيرنا هنول 
واحده بتجر وراها واحده
ولا رص الغزل على النول
بكرا وبعدو تشوفوا بلدكوا 
تكبر لولادنا .. وولادكوا 
الدنيا مبتجيش ع العاصى
هتلف وتيجى على مقاسى
كل اللى اشتغلوا واجتهدوا 
سبقونا للعالى ونهضوا
هم انتا وقوم ومتيأسى
رزقك مكتوب مبينقصى
ويمين الله تمد يمينك 
ربك يفرجها وهيعينك