ماعنت هاسمع نفسي
ولا عنت هاسمع حد 
كتر الكلام خاطفني 
وخله قلبي أتخض 
سنين بسمع وخبي 
وأقول يمكن دي سيرة وتنفض 
لكن الكلام صابني 
وجاب لي نزلة برد 
زمن الكلام الوردي 
خلى الأمور تتشد 
لا عاد فيه عدي 
ولا عاد رجل يعتد 
الكل ماشي يغني 
لا فيه حيطة بتصد
نغمة وماشية ياعمي 
لتقطيع حبال الود
زمن المحبه أستخبه
فى جيوب عضال المهد 
أصل الكبار أتخبلوا 
ونسيوا الميعاد والوعد 
خلوا السليط يتحدى 
ويقول الكلام الغم 
زمن المحبه دا ولى 
من كتر الخداع والهم 
ويوم بيجر التاني 
وأحنا على دا الذم 
مين هايسمع لمين 
علشان كدا نتلم 
ونقول للزمن أسفين 
دي بس كانت عدوى وفجأة 
أصابت القوم
ياصابر على العباد 
صبر قلوب الكل 
وأنزع مابنا الشيطان
وأشفي القلوب من الغل 
وأنشر بنا السلام 
ياصاحب الجود والفضل 
وأكرمنا ساعة نيام 
تكون المنتهى والحل