ياصباح الورد المتعطر 
سمعنا كلامك من تانى 
يابو دم خفيف زى السكر 
حكاياتك حلوه وعاجبانى 
والنبى شربات شهد مكرر 
إلعب ع الوتر الجوانى 
ستف رتب واكتب سطر 
قول كلو على الدنيا فانى 
قرب حبه أكتر واكتر 
بين الفوقانى والتحتانى 
لوقام شمشون صحيلو عنتر 
يشرحلو الوضع الإنسانى 
قولو يحلل قبل مايفطر 
ويقول ع الحته الواجعانى 
وان قالك شاطر ومسيطر 
قولو ياعمنا كلو أغانى 
دا البق المقفول ببلاستر 
بيشاور ويقول .. آه يانى 
يا صباح الورد المتعطر 
سمعنا كلامك من تانى