بغنيلك .. ولا سامعانى 
ومعنى الأغانى إنى بعانى
متخفى عليه يا بهيه
معاكسانى ليه وملاوعانى
سنين وبهاتى ماجانى الرد 
ولا كلمه حلوه يقولهالى حد 
زى الملايين ماشيين تايهين 
شوارع مزحومه حوارى سد
هفضل أقول وبلغة الضاد 
لو عضيتينى انا مش عضاض
أنا الهلالى .. ودا حالى
وفقلبى محبه ليكى ووداد
أنا الشاعر وراح أفضل اقول 
طول ما الزمن ويايا هيطول
أنا ابن بطنك وبشد متنك
منتش غلطانه أنا المسؤول
هات واحد كشرى ياعم عشرى 
الرز أبيض والعدس حشرى 
والشطه قلل وهات مخلل 
طول عمرك ابن البلد وعِشرى