شد ياعم يابخيت 
الحبل ويا الخيط
كل الهنا من هنا
بلاش بقى التخبيط
عدلها .. تتعدل 
واعدل لتتأندل
قومها .. عومها 
دى مسيرها تتبدل
متقولش دا حالى
مش باينه واضحالى
سكه بتجر سكه 
سفرى وترحالى
نشف بقى دمعك 
بكرا حصاد جمعك
النور يجر النور
وشمعه تقيد شمعك
سيبك من قولنا وقال 
تتحسن الأحوال
بضميرك ولا يضيرك
وتنام مرتاح البال
تمام وماهو كلام
خطوه تلاقيك قدام
إسمك هيليق لرسمك
واسم الكريم .. همام