()()(). الكارثه بشط رشيد. ()()()
ماسك حلمي ومسافر
خطيت البحر وبعافر
ومعايا زهرة شبابي
اتاريني لقبري حافر
من بدري بشوف الحلم
بقول يمكن احارب ظلم
والغدر ورايا يخنقني
والحلم ياامه مبقاش علم
جريت لقوت اخواتي
حاربت موج وبهاتي
الضلمه وموج التوهه
خدوني لخنقة سوكاتي
بقيت يااما جته مرميه
علي شطك صرخة وليه
بتولول علي شبابي
و مستقبل بعيون معميه
وانا في الموج والعتمه
شوفتك يااما بتدعيلي
وايدك الطاهره بتمديلي
القدر ياامه خد روحي
قيدي ياامه قناديلي
افحتوا القبر وتاووني
لسه بعدي شباب تاني
ما دام الحلم مبقاش علم
القبر اولي بجثماني
بقلم الشاعر عادل عباس. المحامي
