في البدايه لما كان الجو حر قوي في صيف2005 والدنيا كلها مش طايقه بعضها قلنا نروح البحر
نشم هوا
نصيف
نتفسح
نلعب
نبلبط ف الميه
نخرج من اللي احنا فيه
المهم خدنا القطر المتين من شبرا بلد الملايين وتشيلنا بلاد وتحطنا بلاد نزلنا في تاني اجمل بلد في مصر
الاسماعيليه طبعا اجمل بلد في مصر هي عروسة البحر الابيض الاسكندريه كنت انا ومجموعه من العاطلين صحابي وعلي فكره انا لو مش بحب اسكندريه اوييييييييييييييييييي كنت قلت انك اجمل بلد ف الدنيا
كنا علي شط يطل ع البحيرات المره قاعدين كلهم نزلو الميه وانا قلت استني شويه وبعدين انزلبصيت يمين بصيت شمال شوفت بعيني محدش قالي بنت اجمل ما رات عيني وصفها
(هي من تاخذ الشمس دفئها من صوتها وياخذ القمر جماله من ضحكتها) منزلتش عنيا من عليها من لحظة ما شوفتها اخدت قرار اكلمها قربت منها ودار الحوار بيني وبينها
انا/ صباح الخير
الصاروخ /صباح الخير
انا /انا احمد
الصاروخ/وانا مالي
انا/اهلا وسهلا ياانسه مالي
(ضحكت اجمل ضحكه في الدنيا)
الصاروخ/انا سميره من شارع الجمهوريه
انا /انا احمد من شارع الشهيد ميكي ماوس
ضحكت تاني نفس الضحكه
الصاروخ/شو هدا شارع جديد ولا ايش
انا /انتي مش مصريه ؟
الصاروخ/لاه انا من لبنان وعلي فكره انا مدام مش انسه مجوزه مصري من القاهره وانا هنا بصيف عند اختي اللي في شارع الجمهوريه فرصه سعيده يا استاذ احمد
انا /انا اسعد واحد في الكون سمعت ادفي صوت في حياتي
الصاروخ/ انت محتال
انا / نعم
الصاروخ /انت نصاب
انا /افندم
الصاروخ/اقصد انت مجامل جدا وبتبالغ
انا /علي فكره دي مش مجامله ده وصف ضعيف اوي للجوهره اللي قدامي
الصاروخ/ انت محتال اكتر
انا /اسمحيلي انتي محتاله انتي سرقتي كل عيون الموجودين ف المكان
انتي عارفه لو عايزه تعرفي سر بناء الاهرام ممكن تسألي انتي ابو الهول وانا ادفع عمري كله لو مردش ابو الهول
الصاروخ/هههههههههههههههههههههههههههههههههههههههههههههه
انت فعلا محتال بس لذيذ
انا /مش هاتنزلي الميه ولا ايه
الصاروخ/اخاف من الميه
انا /والله الميه جميله النهارده
الصاروخ/انت منزلتش الميه لسه!!!!!!!!!!!!!!!!
انا/ ايوه بس فعلا الميه جميله
الصاروخ/احمد زوج اختي جاي ممكن بعد شويه نكمل كلامنا
انا /ممكن مفيش مشكله انا جنبك هنا وفضلت قاعدمراقبها مش راضي يمشي جوز اختها وانا مش طايق روحي منزلتش الميه ولا هيه ولا جوز اختها مشي ولا كلمتها تاني
أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأاه
ساحة النقاش