نيفين عبدالله - مستشار و مدرب شخصي و أسري !

موقع يهتم ببناء الإنسان " وجدانيا - عقليا - إجتماعيا - روحيا - أخلاقيا "

ساعات نحس أننا كسلانين مش عاوزين نعمل حاجة و مش عارفين ليه .. دور في الأسباب دي يمكن تلاقي حاجة منها تنطبق عليك فتفهم نفسك و تمشيها في الطريق اللي أنت عاوزه

¨     ممكن تكون عندك أنيميا أو صحتك العامة ضعيفة ؛ ده بيخلي عندنا شعور بالوخم و الكسل و الرغبة في الراحة والنوم و عدم القدرة على النشاط الذهني .

¨     كمان ممكن نبقى عندنا مشكلات نوم فنبقى وخمانين أغلب الوقت .

¨     لما نبقى كمان اتعودنا فترات طويلة على الراحة و مفيش حاجة بتتحدانا و تتحدى قدراتنا و تخلينا نفكر و نشتغل و نعمل حاجة مثيرة .

¨     لما نكون في تعليم غير مثير لفترات طوييلة فمش اتعوجنا نشغل مخنا و نتع=به ؛ و كمان اللي بنتعلمه مش مهم لينا ؛ و اللي بنتعلمه بتعلمه بطريقة مملة مش تتحدى تفكيرنا و تخلينا كومبارس في عملية التعلم ” يمكن حتى موصلناش أننا نكون كومبارس ” .فعضلة مخنا مش شغالة و مش متعودة تشتغل .

¨     لما نبقى عندنا فكرة وهمية عن التعب أنه هيموتنا و يستنزفنا و مش هنقدر نستحمله  و مش عارفين أنه له طعم لذيذ لما توصل فيه لنتيجة .

¨     ممكن تكون الحكاية لها علاقة بعدم وجود شىء يثيرك عقليا و يولد جواك الاهتمام .

¨     و السبب الغريب بأه أنك تبقى خايف من النجاح ” بدون استغراب ” فيه ناس كده فعلا :

-          حد عنده مثالية عالية قوي فخايف يوصل للنحجح لحسن ما يقدرش يفضل بنفس المستوى أو أنه خايف من توقعات العالية من اللي حواليه و يتوتر لحسن ما يقدرش يحقق التوقعات دي منه .

-          حد كمان عنده مشكلة في الإخلاص و بيخاف لحسن مش يبقى مخلص ؛ لحسن يجي له عجب بنفسه ؛ لحسن يغتر بنفسه .

 يا ترى لقيت نفسكو لا إيه ؟

nevenabdalla

نيفين عبدالله مدير مركز أجيال للاستشارات و التدريب الأسري

  • Currently 1/5 Stars.
  • 1 2 3 4 5
1 تصويتات / 418 مشاهدة

ساحة النقاش

نيفين عبدالله

nevenabdalla
زوجة و أم لثلاثة أبناء اعمل مدير مركز أجيال للاستشارات و التدريب الأسري و مستشار القسم الإجتماعي بشبكة أون إسلام .. و مصمم برامج تدريبية و إثرائية لكل الأعمار .. »

ابحث

تسجيل الدخول

عدد زيارات الموقع

231,893