عجبى !! عجبى على الأيام أنقلب حالها الناس ماشيه تايهه ليه كده مالها بتدور على قوتها وقوت عيالها وان رزقها الرحمن حمدت وشكرت وقالت يا رب انهارده عدى وبكره دبرها   عجبى على دموع فى عيون طفل مالياها ما شافش من الدنيا غير مآسى قلبه لم ينساها عجبى على الشاب والعجوز اللى تاهوا  ما وجدوا مرساها الشاب شاب قبل الآوان والعجوز ماسك فى الدنيا ولم يسلاها          عجبى على قلوب دبلت من ظلم الناس ليها وعيون اتحجر الدمع فيها وأيادى لم تتمد بالعون لو حتى قطعناها يا عالم ليه كدا العجب كله فينا ده احنا خلائف ربنا الأرض أتخلقت لينا نسينا معنى وجودنا دمرنا أمانينا وخلفنا ظن الرحمن مع انه حامينا عجبى علينا يا زمن أتمسخت معانينا