بداية  هذا ليس  شعرا ولا أقصد به شعرا

حتى لاأفهم خطأ

 ما  كتبته مرتب بلغة الشاعر بطعم الشعر

 نثر خطاب  وبيان م القلب

بصراحة ماحدث  ف اسكندرية أكثر من مقرف !   أكثر من مزعج  !

الى  كل من يفهم   الى كل شامت    الى كل حاقد    الى كل حاسد

المصريون   مش كده  ولايمكن   ها يكونوا كده

م الآخــر  إحنا لانجيد السيارات المفخخة وشغل العراق ولبنان

احنا رغم أنف الجميع   طيبين ! وسنبقى على الدوام طيبين  طيبين

 نتظاهر صحيح   نحتج  صحيح     نتريق صحيح  !!

نعبر عن قرفنا   ونغضب  وفي الآخر بنضحك

لكن لايمكن نكون كــده

ارهاب جنون  يوصل لكده  ولدرجة كده  لا  احنا نرفض كده  وألف كده

مين الجبان هذا   ؟؟  مين علمه   شغل  المفخخ ؟؟

يا جماعة     يا ناس    يا هووه 

دي مش صنعتنـــــا  ابدا !

دي مش لعبتنا ابــدا

دي صنعة غريبة علينا

احنا لا عراق ولا لبنان , رغم محبتنا للبناني والعراقي

احنا أصحاب مروءة وبســاطة وكرم   وجدعنه

نحب الكورة ونهيص لها  ونضحك ضحكة حلوة في وش الغريب

لكن حركة كده زي كده باقولها ابدا وألف لا

وم القلب بأقول :

تسلم يا كل  مسيحي و تسلم يا كل مسلم 

من كل يد غادرة

من كل خبيث   من كل لئيم نفسه مصر تصير براكين

لن يفلت هذا الجبان  من وسطنــا

 ولوكان المصريون عددهم ميت مليون

تسلم يا كل مسيحــي 

 تسلم يا كل  مسلم

نبكي من ماتوا ونواسي من أصيب

نعزي بعض في بعضنا 

وبعزيمة رجال ها نقف  ضد كل ارهــاب