توبني اجيت من " المرشقه – المبيضه " طينت " الخشه – الشونه ؛ الفرن ؛ البيت ؛ عسفت ؛ دلكت المصطبه ؛ زبلت الفرن ؛ فضيت " الفطع " عجنت ؛ ملكت – رددت – قطعت خمرت – قطعت - خبزت العجينات ؛ ببرغل ؛ بدحبر زقاريط ؛ بفرك ملوخيه ؛ بنقب بالعدسات ؛ بغربل ؛ بكربل ؛ بغمر ؛ بحلل " برجد" عالقادم "  فليت البنت ؛ لفعت – قمطت – بربطت " الصبي " رحت " عالجيعه : مليت الجره ؛ حلبت ؛ روبت ؛ خضيت ؛ سويت " شمنضور" دقيت الزعترات " بالهاون " نفشت الصوفات ؛  ساويت " رفيعه " بكعكل ؛ زبتت البنوره  خطفت للدلو جرزت فريكه ؛ نشفت البندورات – الكوسايات سلقت القمحات ؛ رقعت الجراب ؛ رصعت الزيتونات  ؛ مرست الجميدات ؛ رقعت بناطيل لاولاد سرجت ثوبي ؛  عبيت الكواير– اسقيت الطرشات ؛ لحقت العجال ؛ لميت " جله " لبش ؛ قوص ؛ سلح ؛ حطب ؛ سقطت " الطوس " بالفرن ؛ رشقت الحيط ؛ زبلت – حميت – قحرت الفرن ؛ ولمعت البيت وصار ؛ يوج – يضوي ؛ يبرق برق ؛ يوج وج ؛ يلمع لمع ؛ يسرج سرج ؛ يشع شع وصار يوخض العقل ..!!!!!!!

قصة الحبشه ..

روح أبو محمود عالدار متأخرباقي البغل متوهن ومكرفت القادم والزلمه تمرمط وهو بلملم وبحمل ؛ المهم روح عالدار لقى أم محمود بتلطم – بتردح – بتصيح – بتلاخم – بتدعي – لولا لولا كان شقت ثوبها من جراير محمود ؛ لما فات ابو محمود عالدار وشافها قال لها " فال الله ولافالك " مالك يا ام محمود " مش بعقلك " قالت له كيف بدكياني اكون بعقلي وابنك " مراكبني مراكبه ؛ فوت اسأله وشوف شلون حالته قال لها : ولك شوماله . قالتله شايف بدار جيرانا حبشات وناط بالليل عن السنسله تايسرق وحده ومتورشعاته  – هابات بيه – متشاطزاته – متولجاته – متحندرالته – مشوتحاته – متسمردحاته -    ممعمطاته – ممغملاته – متجربداته – مبربداته معضعضاته " منهنشاته ؛ موشلات بيه- مرنحاته ؛ مشلخاته ؛ مملخات وعيته – مجرجراته عقد السهله ؛ وهضلاك الجماعه بدهم يشتكوا ..!!

قال لها ابو محمود – طيب أسع بروح عجيرانا بس " أنتعه بدن ؛ وفات با ابو الحبيبان على محمود ونبطه تآ اسوه سوي وراح على دار الجيران ؛ وباس ؛ وحب لحية جاره " وتمعذر" منه وقاله – ومن شاربي لو يعاود يبلش بيكوا " لطلق أمه ........!! يتبع .