كل يوم الشمس تطلع
مش جديد
والنجوم بين السحاب
تضحك للعشاق من بعيد
واللي سافر
واللي هاجر
واللي مستني الحبيب
وقت مايرجع غريب
نقطه دم جوه الوريد
برضو مش جديد
تبقي عاشق في لحظه
ولحظه تانيه مهاجر
حلم بتحلم ترسمه
بس أحيانا عنيد
وهي انثي بتحلم بفارس
يرسم ملامح
يكتب مشاعر
اصله في الأصل شاعر
بس برضو مش جديد
والله ليك وحشه
اصلك بتوحشيني
حقيقي بتوحشيني
يمكن هو ده الجديد
متعودتش انك بعيده
واتشوق ليك ديما
حتي وانت بعيد
عارفه والله عاشق
وانت والله عاشقه
رغم أن ساعات غرورك
بيبقي بنا فرقه
وساعات نحس غربه
نرجع نشتاق للحظة
نبديءمره تانيه
يوم ميلاد جديد
حقيقي بتوحشيني
صحيح جوه نفسي
ماانت ياعمري نفسي
انت حلمي الوحيد
احمد عبد الحق
