( أكيـــــــــــد وحشــاني ؟!! )
********************
شفتك مرة .... قلت أحبك
واكسب فيكى ثواب رباني
رحت لابوكى اطلب يدك
وكلمة احبك كان سبقاني
ف أول غمزة .... صدرت منك
خلت قلبي اتشلبك تانى
وقفت فى نص طريقي محتار
والله ماعارف .... فين ودانى ؟
*********
نادى أبوكى ...وقاللى تعالَ
وقوم هات ناسك يا ابنى عشانى
قلت يا عمى .... أبويا متوفى
ومفيش غير ماما كان ترعاني
وبعد أسبوع من موت الغالي
أمي سابتني لوحدى أعانى
والله ما فاضل حد فى عيلتى
ترضى يا عمى أعيش وحْداني ؟؟
**********
قاللى يا ولدى ... تكفى رجولتك
وباين إنك .... واد حقاني
شايفك راجل مالي هدومك
وكل كلامك خش ودانى
بس يا ولدى ترضى لبنتى
تاخد شخص مريض نفساني
قلت يا عمى ... كفايا تهزيىء
حبي حياتي ... أكيد وحشاني
***********
إيه كان ذنبي ... لما لقيتها
نازلة تبرطع جوه كياني
كانت قاعدة .... جوه جنينه
وراسمه عيونها بكحل سوداني
ف أول مرة ...أشاور ليها
لزقت جنبي تقول عرفاني
رحت واخدها... جوه عيونى
ولو هتدوق الطعم .... إنساني
************
بنتك غلطت غلطة صغيرة
يوم ما قالت لى ..... فيك تهواني
صوتها سحرني وبرجل عقلي
لدرجة إنو انشل لساني
كل ما تدخل جوه إحساسي
وأدوق حلاوتها .... يُجن جنانى
فجأة صحيت من نومي ليقتْنى
نازل أعيط ... وأقول آآآه يانى
**********
لو أحلامنا صحيح تتحقق
كنت أتجوز ... من لبنان
واغرى بنات العالم كله
وافعل فعل قبيح شيطاني
إخص علينا ..وعلى تفكيرنا
شعب معفن حيلو شهواني
شعب يبيع الدين لسْيادو
ويعشق حاجة تسمى أغاني
حتى القدس يا ولدى خانوه
إيه تتوقع من علماني
أبقى قابلني .... إن ما قالولك
اللي كتبها ..... دى إخواني
******************
شعر / حمودة سعيد محمود
الشهير بحمودة المطيري
