***إياك أهون***

===========

تعالي نخطف م السنين ونعيش يومين. 

داحنا قلوب تعشق  ودايبه من الحنين. 

ومين يصعب علينا حالة غير العاشقين. 

حزن. وهوان مالي القلوب  العطشانين. 

ياريته ليل وكان يعدي.. 

او حتي مرة الشوق يهدي. 

بفرش ف وردي.. 

وكان بودي. 

كان بودي افرش لك الورد ف طريقك

ف كل خطوة تعطره. 

كان نفسي  اكون نبض ف  وريدك 

وف كل دقة  تسهره.     

كنت امسح الدمع ف عنيك وبدل الدموع.

املاها ضي ينوره. 

كان نفسي اكون لك فرحة فايته.

ما بين ايديك. 

كنت اقيد شموع هوايا ف كل ليلة .

تشهد عليك. 

ان مليش ف الدنيا ديا غير هواك. 

قلبي شاريك. 

تشهد ان هواك ف قلبي.

 بيك وليك.  

تبعدني ليه وتعيش لوحدك .

مش هعيش انا ليلة بعدك. 

خلاص خاصمت السهر.. .

 مع النجوم..  

 مع دنيتي. 

لزمتها ايه الدنيا إن ما عشت محبتي. 

بنده بحبك. 

واحلف بعهدك. 

اني نفسي عمري كله يكون معاك. 

مد ايدك واخطفني ف بحور هواك. 

اتمنيت اعيش العمر كله جنبك. 

دنيا قاسية. 

ناسها ناسية. 

ان فيه قلوب بتحب بس ببراءة. 

ماكان ناقصها بس غير حبة جراءة. 

قلوب تعيش لقاها كله سنين فراق.

عافر وقوم.. 

وانفض هموم .

وامسك الاحلام وقرب. 

وإياك اهون. 

.#أريج