اعزفى ع الجرح يمكن
يبقى لحن الذكريات
قسمى حروف الحكايه
وانسى ماضى غريب وفات
واكتبى بدايه النهايه
حطى نقطه بعدها الباقى سكات
زينى وشوش الحقيقه
واحبسى روحى الجريئة
والعبى بأى طريقه
ع القلوب الدايبه فيكى
لسه برضو الشوق ماليكى ?
ولا نسيتى
حد تاه من لون عنيكى
حب فيكى حنان وطيبه
كنتى لجراحه طبيبه
بس الاكاده والغريبه
انه كان حاسس بغربه جوه حضنك
ملتقاش النوم ف قربك
ولا حس مره انك قريبه
اعذريه لما تلاقيه مهموم وسارح
قلبه كان عمار وبارح
فجاه انطفى ضوء المسارح
والبطل ...
هب من هذا السبات
اعزفى ع الجرح يمكن
يبقى لحن الذكريات
#صبرى جاب الله
