*صرخة مسلم*
يا ضميرالعالم فينك؟
ليه لما نموت احنا مش شايفنك؟
ولا علشان دينا غير دينك؟
هي الرحمة بتميز بين الاديان
ولا الانسان المسلم مش انسان؟
يا ضمير العالم يا حنين على الحيوان
ليه لما يموت المسلم تسكت يا جبان؟
ولا الانسانيه والعداله عندك ميزانين
ميزان يوزن ليكم يمسح كل الاحزان
واحنا احزانا واوجاعنا في اسوء ميزان
يا ضمير العالم يا محجر زي الصوان
بورما بتصرخ غزه بتصرخ
وانت نايم تحلم في امان
لو قطه صرخت في اوروبا
تقوم الدنيا بسرعه زي الرهوان
يا ضمير العالم يا معفن متلوى زي الثعبان
وملون كل دقيقه بلون تعبتنا الالوان
كل ما تيجي ناحية قضيانا
يا اما نايم ومعسل او تعمل تعبان
فين شعاراتك ولا مبادئك
ولا حقوق الانسان
يا ضمير العالم والله انك ميت
والمتغطي بيك عريان
كنت زمان احسب ان العالم حر
لكن واسفاه كنت الغلطان
كل ما اقول العالم وضميره
اسمع صرخة مسلم
نسيوا في لحظه انه انسان
