.

.

.*.*.*.*.*{ #كرهت_الشعر }*.*.*.*.*.

'

'

كرهت الشعر كرهت بحوره والقافية

كرهت الحرف لأن الكلمة مش شافية

ولو إحساس يثور فيا

راح احبس حرفى بالعافية

وإيه حيفيد بدمع يفيض

وكل الكون بيسمعنا

لا حد لدمعنا بيمسح

ولا حتى النفوس صافية

.

كرهت الشعر... كرهت بحوره والقافية

لا حكتب تانى عن فكرة 

ولا إحساس بيجمعنا

ولا حتمنى أعيش بكرة 

واعيش إزاى بدون معنى

ف عز الصيف نحس ببرد

ولا الشمس بقت دافية

.

كرهت الشعر.. كرهت بحوره والقافية

.

حروف جواها مليون آه

بتنزف والنزيف قاسى

لا فى حبيب أعيش وياه

يحن عليا ويواسى

ولو فى قلب يحس بشوق

مشاعره تبقى مش كافية

.

كرهت الشعر.. كرهت بحوره والقافية

.

'

'

مدحت يوسف