مربعات عاميه
-----------
مربعات. بعدد حروف الهجاء
منها.........ما يتصل ببعضه
ومنهامنفصل ..........ولكنها
فى المجمل مجموعة مربعات
اتمنى ان تنال ......اعجابكم
================عونى هشام
الحرف فارد ........قلوعه
والشعر مجداف ...لمركب
ع الشط .......قبل طلوعه
الحقد يبعد.......ما يركب
------ -------------
بعوم ف بحر......المعاصى
حسيت بنفسى راح اغطس
بتوبه......... وكنت عاصى
نجتنى.. وانا كنت هافطس
--------------------
تعالى وافرد .......دراعك
اقابلك ......بحضن دافى
تسامحنى ..قلبى يساعك
بالحب ...هانعيش وكافى
--------------------
ثوابك........،،هيكون كبير
لو يوم ........ رعيت اليتم
وثباتك.........ملوش نظير
فى الحق.......ضد اللئيم
--------------------
جمال الروح...يبقى غالب
لو حتى.....مانتش جميل
جمايلك...من غير مطالب
وبالحكمه......انت الدليل
--------------------
حامى ........،حماة البلد
الكل ..........،،ينهش فيه
وحرامى .......واكل البلد
ماشى .........تقوله يابيه
--------------------
خايف.....انكش جراحى
اعيش ....ف ماضى اليم
عايش .وضميرى صاحى
خلانى ........دايما حليم
--------------------
ديابه الغابه ......سرحت
فى قطيع .......وقت ليل
دبحت كتير .....وجرحت
بمساعدة .....كام عميل
--------------------
ذاكر دروسه ........ونجح
الغش .......ما زار طريقه
زاده بعلمه ...........وفلح
وكتابه .......وياه صديقه
-------------------
روض.......خيول السبق
إن كان....السباق طويل
راجع خطوط ....السبق
واختار فرسك.....اصيل
-------------------
زيادة الخير.......نتيجته
الحب.........هيكون كتير
وزيادة الشر........خيبته
تشوفه دايما. .......حقير
--------------------
سلامة الانسان ....ايمانه
وهلاكه ..........ذلة لسان
سلاحه .......علمه ومكانه
بين البشر...........انسان
--------------------
شارى....نفسى وحياتى
البيع .........ملوش مكان
شِعرى ..فيه من صفاتى
وسلاحى .....من الايمان
--------------------
شايف الناس .فى المرايه
عرفت .......فيها الحقيقه
ناس .......من غير درايه
وتفتى بفتاوى ......دقيقه
----------------------
صابر .........والصبر مر
شربت منه....... الكتير
لا سابنى وحدى.... امر
ولا شفت منه ....... خير
----------------------
ضباب ......وراه ما شايف
ولا عارف اللى .........بعيد
ضليت.......وفضلت خايف
كان نفسى ...اعيش سعيد
----------------------
طبعك ......لطبعى وصيف
فى الفكر ......فاهم كلامك
قلبى ...........وقلبك نظيف
يسعدنى دايما......سلامك
----------------------
ظلمت الفقير.......ليه ياعيد
كان نفسه ......يلبس جديد
الناس بتفرح ............وهو
مع نفسه عايش.....،،،بعيد
----------------------
عينى عليكى ...........يا بلد
امتى ..............يروح همك
عينى مكان ..............للولد
عشان برضه...........بيهمك
-----------------------
غالى فى عينى ........الوطن
ورحى فيه...............ومعاه
غريب..............هيدفع تمن
غدره اللى يوم .........شفناه
-----------------------
فوق القمر ..............شفتك
ساعتها كان ........مكسوف
ما شبعت من .........شوفتك
فضلت جنبك ..........اطوف
-----------------------
قلبى عليل ..............والدوا
موصوف لى من ......شهدك
قلبك............سرقنى وهوى
شفته وانا ...........بشاهدك
----------------------
كملت اللى باقى ......معاك؟
اطلبنى ........وانا اساعدك
كفايه عند ...............هواك
دانا سبب .............سعدك
-----------------------
لملمت ............باقى الجراج
وسكنت ...........وحدى بعيد
لميت بعض............اللى راح
وبدات ..............عهدٍ جديد
------------------------
مديت ............ايدى بالسلام
جانى الاصيل ...........يجرى
منع الخسيس ...........الكلام
من غيظه قام .............يفرى
------------------------
نفسى اروح .....،،،،،،،،الحرم
واطوف ................امام بيته
ابليس هناك .............اترجم
حلمت انا ..................رميته
------------------------
هجرك .............ملانى جراح
داويتها .............من كام يوم
نسيت .............كل اللى راح
ورجعت اشوف ...........النوم
------------------------
ودانى هواك ..........وسابنى
افكارى.............راحت بعيد
لو كنت .........ناوى تلاعبنى
ردى .............هيكون شديد
-----------------------
ياواد ............الرحمه حلوه
ياواد .............ملكش مثيل
اسمك .......ف لسانى غنوه
ومفيش ف قلبى ........بديل
============= ==
#عونى_هشام
