((يا مصر)). ٢٣/يونيو/٢٠١٧
يا مصر يامه انتى الوطن
وانتى الحمى وانتى السكن
وانتى اللى طول عمرك عظيمه
وانتى شباب طول الزمن
عصور ومرت عليكى ياما
وانتى بعزمك صاده المحن
وليكى قدرة تصد عذره
ولا يوم ح يقدر يصيبك وهن
يا مصر يامه انتى الوطن
وانتى الحمى وانتى السكن
هواكى طعمه ف ريقى مسكر
ولما بنده يا مصر يبدر
ف قلبى فرحه يا جوه منى
ساكن هواكى بحب اكبر
ياللى لولادك ذايده ف ودادك
دا لسانى يامه عاجز يعبر
عن شوقى ليكى اللى مالينى
بحب غالى ولا حد يقدر
انه يطول طرفك د انتى طويل باعك
طول التاريخ متراس و انا قلبى لأوجاعك
ملاذ يا ام الكون و ما غيره ح يساعك
ملياه وساكنه الجوانح و عاشقك باوضاعك
ام العرب انتى قبل العرب بزمان
يا بحرى وسفينتى يام السلام عنوان
يا اسم على هامتى حاسه مالينى امان
بحبك ف كل الظروف
وعاشقك ف كل الحالات
يام الهوى الموصوف
تشفى بيه ...... العلات
اصل التاريخ انتى
يا مصنع ..... الحضارات
يام النسيج واحد
يا مهبط ........الرسالات
يام الرجال ابطال
صامدين على حدودك
بيحققوا ف محال
صالبين ليكى.. عودك
رواسى ذى الجبال
بينفذوا ..... عهودك
خيرة الجنود أمال
على مرطول الزمن
يا مصر يامه انتى الوطن
وانتى الحمى وانتى السكن
بقلم الشاعر/ محمد الشاذلى
