روحتي لكن ليه روحك
مش عايزة تروح
وخانقها براح الكون لكن
مش عايزة تبوح
انا روحت كمان وبعدت
لكن قلبي مدبوح
والكون كله معايا براح
لكن كوني مليان جروح
روحك في منامي عمالة تحوم
كل زيارة لروحك بترد الروح
ترجعي تسيبيني بين شوقي وحنيني
والدنيا بعد ما بتجيني بتروح
ارجوك خدي روحك مني
واخرجي بكيانك من النني
وسيبي قلبي يرفرف مجروح
يمكن ينسى ويمكن يقسى
ويمكن يفرح او يرقص
او يطرح ورد في قلب جروح
خدي مني احلامي
زي ما اخدتي اوهامي
اياك تاني تزوري منامي
خلي الحلم يسافر ينساني
مش مسموح للحلم دا
يرجع تاني
خليه عن دنيايا يروح
