(اتكلمي٠٠٠)
(اتكلمي٠٠٠)
من بين عنيكى
كل الكلام واضح
الورد خدك
والرمش سيف جارح
وصدق هوايا بعزفه
والحب له ملامح
كل ده ولسه مني
بحسك بعيدة
نفسي اسمع نبض قلبك
وأحس منك بتنهيدة
دي كلمة (بحبك)
كل مرة بتتحس (جديدة)
ليه تحرميني كلمتك
وحتى بسمتك
طالعة بقلق
سيبي نفسك
ده الشك موج عاتي
سيبي نفسك
وانجديني من الغرق
واوعي تقولي
جوايا الحب ساكن
مش فارقة الكلام
لا حبيبتي
اكيد فرق
أصل السكوت على طول
جفا
وياما زرع من غير الندى
مع حر الشمس
اتحرق
اتكلمي ٠٠٠٠
ده الحبر صوتك
ايه غرضك
وبإيه يفيدك
سكوتك
اتكلمي٠٠٠
ارسمي على روحي حبك
سيبك شوية
م الورق
*عصام فؤاد *
