(فداااااكي٠٠٠ ٠٠٠)
إن قلتي آااااه
تتمزق ضلوعي من الوجع
دا انا واد جدع
ليه تخنقيني
وانا بينك وبيني
عهد الطاعة ليكي
والسمع
ليه تخنقيني
وانا اللي على صفحة تاريخك
عشت ف وسع
ممكن أموت
فدا ذرة تراب
إن حد فيها
يوم طمع
أو حد
مسك بكلمة
نهاره ضلمة
وحفر بايده قبره فيكي
لما انخدع
لكن بإيدك ٠٠٠ ؟!!
صعب عليا
لكني برضه عاشقك
وعاشق قسوتك
إن كانت القسوة دي
يوم ح تصلب
ضهري اللي اتجزع
عاشق قسوتك
وإن كنت لسه برضه
مش مقتنع
لكن ح اقولك كلمة
حطيها ف ودانك
رغم دوسك عليا
عمري ابدا ما اكون
العاصي اللي خانك
اروح أنا لو ده التمن
تفضلي عالية على طول ف مكانك
بس شوية
عليا حني
دا انا واد جني
بيعشقك
صدقيني
زي ما طول عمري
مآمن بيكي
وبصدقك
وان خدت على خاطري منك لحظة
استحمليني
واعذري لابنك مرة
شوية دلع
#عصام_فؤاد
