(فاكرني ح افضل اسامح)
******
فاكرني ح افضل اسامح ؟
فاكرني ح أكون بارد ؟
ولا قلبي بيعاني ؟
والعقل أصبح شارد ؟
سبتك كتير براحتك
تبعد وبتعاود
تندم وأقول صادق
حس هناك بالغربة
ترجع وأقول معلهش
كسرة القلب صعبة
وارد أكون ندمان
وماله اه وارد
قلبك ملهش أمان
قلقان وبيعاند
طب دوق بقى الحرمان
أو غيري بيساند؟
يمكن تقول غدار
يمكن تقول جاحد
روح قول بياع للهوى
وللقلوع فارد
بس يا ريت تفتكر
كام مرة نبهتك
واقف في نص طريق
وطريق الحب
واااااااحد
#عصام_فؤاد
