انا مش ملاك
************
للشاعر المصري / احمد ابراهيم
**************************
انا مش ملاك
لازم اهد معبدك
ووصل هناك
خارج حدودك يا بهية وارفضك
حبك هلاك
ايوة هلاك بصرخ واقول
انا مش ملاك
فات النهار والنور مالوش
اي اعتبار ده انا قلبي داء
شارب مرار
اي اعتزار بصرخ ونار
طايله الجسد والريح دمار
وخده الحنين منك وفين
حلمي انا
يابهية قولي مين انا
عدي الربيع الفين ربيع
حلمى الرضيع ميّت هنا
حبك هلاك
وانا مش ملاك
انسان وبحلم بالحنين حضن السنين
مابقاش يسيع حبك سراب
يا بهية ليه
الحب من قلبك وغاب
يا بهيه ليه بتشيليني
تل هم م الصعاب
يا بهيه ليه
ده الدموع نزله علي خدي بعذاب
طال الامل سكن الألم
شارب مرار وبأيه يفيد كلمة ندم
او حتى كلمة اعتزار
لبس السواد توب النهار
فوق الجبين مكتوب
مهاجر عن غروبك
باكي القمر مخنوقه
والّهي نجومك
دمعة وداع
على خد قلبي اللى اتسرق
مات الحنين والحلم جواكي اتشنق
يا بهيه لازم ترفضي
ده الليل سرق
ضحكة عنيكي وبالضياع هو امتلك
كم م الخضار اتحرق
كم م الخضار محصول عنب
مالهوش وجود كم م الوتد
اخدود ونار
والحلم جواكي اتحرق
راحل انا عنك وانا
اشلاء بقاية م العنب
انسان انا انا مش ملاك
لازم اهد معبدك ووصل هناك
عنك واغيب وابعد بعيد عن مغربك
*****************************
بقلم الشاعر المصري / احمد ابراهيم
