.------------------
بحق شهرك الممنون
بحق الخلق وكُن فيكون
بحق نبيك المُرسل
بحق كتابك المُنزل
أغيثنا يارب
أغيثنا يارب
أغيثنا يارب
-----------
ضُعفنا وضَعفنا منا
وسيبنا الغير بيحُكُمنا
فكان عينه على دينا
وشق طريقنا الواحد
لألفين شق
فتوهنا وضعنا في التيه
كما فرعون
عليه البحر قام وأنشق
أغيثنا يارب
أغيثنا يارب
أغيثنا يارب
------------
يارب اليُمن والبركات
هنُخرج إمتى من الظلُمات؟!
ما بين شِيعه وبين سُنه
وبين الشافعي وأبو حنبل
وأنت كتابك الأكمل
ومش محتاج لأي وسيط
ولا تفسير ولا تفنيد
جادلنا معاك وبجدالنا
جِدلنا حبل يُخنقنا ويُشنقنا
وبرضك لسه بنجادل
كما فرعون
كما قارون
كما النمرود
كبني إسرائيل
في ذبح البقرة بتجادل
وكلمة حق
مش محتاجه أي دليل
وأنت الحق
أغيثنا يارب
أغيثنا يارب
أغيثنا يارب
__________________.
شعر/محمد توفيق مصر/ بورسعيد
