شهر النور
تعدي شهور وراها شهور
لحد ما جالك شهر النور
أمان وإيمان وخير مبدور
وبركه تحل في كل الدور
لمة عيله فطار وسحور
دعا وتسابيح وصلاة تراويح
نسمه عليله وجو مريح
تخليك تعرف أنه صحيح
سعادة الروح ف صلاه وعباده
قرب ياللا اوكازيون كالعاده
موسم للحسنات وسعاده
ورب يقولك ما لك غيري
كل ما ف يدك ده من خيري
والأيام أهي جايه تدور
لحد ما جالك شهر النور
صَلَي وصوم وادعي بقلبك
أدعي وأقول يا رحيم ياغفور
أجعل الشهر ده ليه طَهَّور
