رمضان كريم
والله أكرم م الكريم
أحلى الشهور
الشهر دا الشهر العظيم
صوموا بإيمان
صلوا كمان
اركعوا الركعة بقلوب
اوعوا الذنوب
ساعدوا الفقير
وزينوا الشارع بخير
عدى النهار
أدن أدان
دلوقت جه وقت الفطار
مدفع ضرب
كل الشوارع تتقلب
بشرب بلح
والناس بتجرى م الفرح
وقت الفطار
والحارة تتجمع بلهفة الانتظار
وقت السحور
والفجر بيشقشق بنور
ناكل سوا
ونشم مع بعض الهوا
ونقول لبعض بضحكة حلوة كلنا
مع همسة النور والنسيم
رمضان كريم
.
محمد منصور
