قصيدة / متفرّقين
____________
للشاعر المصري / احمد ابراهيم
___________________
متفرّقين وخده السنين
حلمك وحلمي من زمن
مين المدان
في حكم قاسي والتمن
جسدك مباح توبك قديم
متبهدلين خصلات شعورك
عدي الزمن بعد الزمن لسه التمن
دمعه ف عنيكي مدفوعين
مر وألم ومطفي نورك
بدرك وراح وسط الليالي الصقعانين
مليون ندم صرخة نواح
على الصباح اللى اتسجن
ايوة انا زيك انا بدفع تمن
لما الزمن مسمعشي مني صرختى
لما الجبال كانت على اكتافي ألم
متفرّقين وسط الدروب التعبانين
مهدوده هد
مليون جدار فى وشي سد
بركان رهيب في جسدي شب
كانت سنين ومجروحين
اشواك فى ورد
وانتى على اول طريق
بس الطريق مسكون بشق
اخدود منيع
مات الربيع والحزن مد
فوق الطريق ماشي وصريع
والموت وخد
كل الامان سيف الزمن
على حلمي كان قاسي واّحد
قاطع حنين والخوف اشد
وانا كنت عايش ع الامال
بس الزمان مرضيش يحنّ
وتروح سنه
تيجي سنه
وتفوت سنه
وانا لسه ماشي ف الطريق
بينك وبينى الف سد
متفرقين وخده السنين
حلمك وحلمي ف الف سد
اه ه ه ه ه ه ه ه ه ه الف سد
____________________
بقلم الشاعر المصري / احمد ابراهيم
