نفس حايره
~~~~~~~
غيروا الاحزان شوية
جايز أنسى يوم دموعى
احلموا دا الفرحة جايه
فارد عل الايام قلوعى
كل ماتهب النسايم
كل مااصحى او حتى نايم
بنتظر لحظة لقاكم
وأشتهى نسمة رجوعى
يعنى مش معنى
المسافة أنى نسيتكم
حتى لو خطر العتاب
بجيب سيرتكم
يعنى مش ناسى الليالى
وعشرة سنين
يالى ساكنين جوا منى
وبين ضلوعى
هاتوا من النخيل شموخه
نبضى ساكن فى الشواشى
رمموا قلبى وشروخة
فى الجاى واللى ماشى
متحكموش على نفس حايره
نفسى ماتت يوم خضوعى
حنان الحسيني
