یا أرض مالِك
ياأرض مَالِك إيه جرَالِك
دَا لُونِك بقي بَهتَان
زَرعك دِبِل وإيه العَمَل
دَا الشَّق فيك ِمِيدَان
تُرابِك جَف وعقلي لَف
وبات الدِرَاع هَمدَان
فِين طَرحِك رُزّك وقَمحِك
فِين الخير اللّي كان
فات سنه ولسّه الضَنَا
عَمّال يُصرخ جعان
إنتي أرضي شرفي وعرضي
واحس فيكي بمعني الأمان
دَابِت هدُومي ياأرض قُومي
ساعدي فقير غلبان
حقك عليّا يانور عنيّا
مش هازرع عَمُود خَرَسان
ولاعُدت ناوي أرمي كيماوي
يخلق فِ القلوب سرَطان
بقلم / سيد عبدالوهاب
