بتحبها؟؟!!
طب هوا ايه كان ذنبها
حبتها لكن قلبها مآمنش بيك
ايه ذنبها؟؟!!
إنك بنيت أحلام كبيرة باسمها
إنك حلمت بيوم تكونه جنبها
تمسك إيديها تضمها
و الفرحة ساكنها قلبها
ايه ذنبها؟؟!!
إنك مكنتش حد حلمت تبقى ليه
إنك مكنتش الطموح اللي بتتكلم عليه
مش ذنبها
إن أنت قلبك كان ضعيف و أحبها
و لا ذنبها!!
إنك سكت و خفت انت تقولها
مش ذنبها!!
و لا ذنب قلبك برضوا انه أحبها
مبقاش يفيد
و لا عاد وجودك شيء مفيد
ارحل و كون دايما بعيد
يمكن ف يوم تقدر تعيد
و يعود لقلبك يوم سكونه من جديد
أرحل بعيد
غادر و سيب كل الطموح و الأمنيات
ايه يعني حققته في حياتك م اللي فات
خليك وحيد
صدقني و أنت في وحدتك هتكون سعيد
جرب تعيش كدة وحدتك
هتلاقي دايما وحدتك دي شيء مفيد
إنسى اللي فات
اعتبره حب و ماضي عدى أوام وفات
متعيشي جوة الذكريات
اوعاك في يوم تسجن حياتك جوة اوضة أمنيات
صدقني لو حبك حقيقي بكرة يرجع من سكات
صدقني لو فعلا نصيبك بكرة هيعيشه معاك
انسى خلاص
مبقاش يفيد منه العتاب
انسى خلاص
الحلم دا أصبح سراب
شعر: شعبان صبحي عبد الله
