أعمل إيه
مستغربين إزاي وليه
وليه كل ده
قولت أعمل ايه
بيسألوني شكله ايه
رديت وقولت ح تعرفوه
من وصفي ليه
زي الملايكه اما بتضحك
نظرة عينيه
زي النسيم ف رقته
ولمسة إيديه
لما يهل بطلعته القمر
يداري فيه
الشمس تغيب لما يغيب
تروح تسأل عليه
زي الندي ساعة صباح
اول ما تشوفه تحس بيه
تحتار ف وصفه التشبيهات
وهو أحلي ما ف البنات
يسكت يحلو السكات
يتكلم تتنهد آهات
من غير ما يقصد دوبني فيه
يا تري عرفتوا إزاي وليه
ياللا قولولي أنا أعمل إيه
أحمد فاروق
