أنت مين
*********
أنت نكره عمري يوم ما هبص ليك
أكره خيالي لو مر لحظه بين عنيك
شوف مين اللي باعك ومين ناسيك
لاعمرك كنت في يوم حبيب
ولا عـمرك كنت يوم قريب
ده أنا أقل بنفسي لو فكرت فيك
ماتتوهمش حاجه عمرها يوم ماتحصل
ماتتصورش وعيش الدنيا اسهل
فيه حاجات ربك خالقها في ألسماء
لاأنت هتطلعلها ولا هي يوم هتنزل
داير تـــــــلسن وتقول علي وتفتري
وأنت قلبي عمره لحظه مابيك دري
ولا بفتكر حتي أني شوفتك أو عرفتك
يبقي أزاي وليه وأمتي انا يوم عشقتك
عايز تعيش قصه واهمه
عيشها بس مع حد غيري
عايز تكذب كذبه عايمه
ماتألفش كلام مصيري
أنت أقل من أني أشوفك
أنت حاجه ماتساويش
بس قبلا ايه ظروفك
ده أنت مش لاقي تعيش
فين انا وانت فين
مين انا وأنت مين
أزاي بقي هكون عشقتك
وأنت نكره ماتشوفها عين
يابني فوق وعيش حياتك بلاش تتأمل
ماتتوهمش حاجه عمرها يوم ماهتحصل
فيه حاجات ربك خالقها في ألسماء
لاأنت هتطلعلها ولا هي ليك هتنزل
**********************************************************
مع كامل محبتي وأحترامي لجميع ألاصدقاء المحترمين
دينا رجب الفيومي