..........................................ماتركعوش............................
ماتركعوش يابني آدمين
دا احنا كلنا مسافرين
دنيا غرورة ماتستاهل
نوطي ونحني فيها جبين
ربك خلقنا سواسية
لاتقولي أمرا ولاسلاطين
ليه بترضى تعيش مكسور
ذل ومهانة وشيل الطين
لازم تكون مرفوع الراس
تحيا بكرامة ولو ليومين
بادينا صنعنا تماثيلنا
وشيدنا من الوكر عرين
وتاهت بينا خطاوينا
بشمالنا ضيعنا يمين
اسلامنا علينا بينادي
أنا الحق وطريقي مبين
ليه سيبتوني ياولادي
ورحتوا لدانتي ولداروين
نكران الهنا غايتهم
جعلوها كوميديا أمور الدين
مافي اله خالق للكون
الصدفة بداية التكوين
أصل نشؤنا كان قردة
محوا أبينا من الدواوين
فرويد كانت وغيره كتير
ستالين وماركس ولينين
أصولهم صنيعة يهودية
النجمة شارتهم و التنين
مدنية وعلم شعارهم
لسحق حضارة وطمس الدين
قالوا الطبيعة خلقتنا
وعمر الوجود بالبلايين
وشموس كتيرة كشموسنا
ومجرات مسافتها سنين
ولسه الكون بيتمدد
لا استقرار ولا تمكين
ولا في نهاية محتومة
ولا قيامة ولاموازين
يا ألف خسارة يا مشايخ
مشيتوا في خطا الشياطين
في ستة ايام اتخلق الكون
آيات تلاها نبينا الزين
ليه هجرتوا محكمها
ساعات أيامنا أربعة وعشرين
اشهد يارب اني برئ
مافي سوى أرضنا أراضين
لاهي نجم ولاكوكب
زي ماروج لها الضالين
قالوا الشمس محورنا
ومركزنا ثابت ومتين
والأرض دايرة نواحيها
سلوه جاليليو أبو العارفين
ولما انكشفت ألاعيبهم
وبالحركة بان خداع وكمين
ومن قبله قال قرأنا
تجري لأجل لها سيحين
الأرض ثابتة يا سيادنا
حكى ثباتها ذو القرنين
خلقت جبال لمرساها
معنى القرار ياناس تسكين
السجود مرفوع عنها
شرطه الحركة ولو في مكين
آيات دورانها مزعومة
محصورة كلها في آيتين
الآية الأولى دي بداية
والتانية يوم انقلاب موازين
سقوط الضراح على الكعبة
دليل السنة يانور العين
قالوا الجاذبية بتحفظنا
مافي اله انما قوانين
قوام بالغي سلمنا
وصدقنا وقلنا آمين
اسمع مقالي ياسيدنا
بالحج آيةخمسة وستين
سماءنا الرب ماسكها
فلاجاذبية ولا تلوين
بالقدرة المولى راعينا
وملايكة بكن لينا حافظين
سارتر وياسبرز وباسكال
وصل عبثهم حد الصين
سموا الكفر وجودية
ومسخهم صار لنا تحسين
يارب ثبت أقدامنا
مالنا سواك سند ومعين
ياقدس يادرة مكنونة
يافرحة قلوبنا ونن العين
بأرواحنا يا غالية نفديكي
يامجدنا أيام حطين
يا أمة باتت مقلوبة
كرامتك أجيبها ياحلوة منين
لما خاصمتوا شريعتكم
خذلكم نصر وزال تمكين
سنن الوجود مابتتبدل
العزة قرين تقى ويقين
اصحي أفيقي يا أمتنا
خلاص الوعد قاب قوسين
في حلبنا ولادة معسوره
الخير أتيها بعد الشين
الغوطة ياناسنا بتهاتي
بتصرخ فينك صلاح الدين
وعراقنا يا اخويا مكلومة
أنينها والله صار له رنين
مليارنا والله لو زعق
لذاب م الرعب كل صهين
اسمع مني ياحبيبي
زوال الدنيا كلمحة عين
وفيه برزخ بينتظرك
وسكرة وهول وسؤال ملكين
الأخرة حياتها ممدودة
مافيها حبيبي سوى مكانين
للفسقة جهنم وللفجرة
وجنة لكل تقي وأمين
كلام أخير بقولهولك
أرض العرب عادت بساتين
والبدو علوا بنيانهم
وللمساجد زخرفة وتزيين
في بيوتنا الفتنة قد حلت
والخاين أصبح فينا أمين
كل العلامات أهي هلت
وانكشف ستره كل دفين
اسلامنا يا بابا بيفرق
فاختر تربت مابين فريقين
بقلمي | محمود عبد الخالق عطيه المحامي
