***باحلم وانا صاحى***

=============

**غمضت عينى ف ليله ..قلت أحلم بحلم

حلمته سنين طويله يمكن يبقى علم..

شوفت آل ايه وخير ......

فستان لونه (روز) اختاره هو ليا.....

شعرى اسود طويل ..وفيه خصل دهبيه...

لبسته هو بدله سمارها بلون عنيا ...

كرافته لونها روز ..ماهو لونها اختاره ليا..

خدنى من ايدى فوق ...لمست معاه النجوم ..

كانت ليله جميله مكنش فيها نوم ....

ارض كانت جميله ..مفروشه ورد وحنه ..

حسيت ساعتها انى ..حييت ودخلت جنه ..

مشينا وسط النجوم ..ونسيت وياه هموم ..

مش عارفه اذا كنت قدرت انسيه انا كل همه ..؟؟

مشيت حافيه برجلى ..على عمر كان بيجرى ..

ووقفت بين ايديه ..لما خدنى فى لمحه 

بصيت جوه ف عينيه ...لاقيت جوايا فرحه ..

مشينا على شط بحر ..وشوش بقلبه موجه ..

كانت بتبص لينا ..فجأة هاجت علينا ..

وسندنى بكف ايده ..وقلت يا ريت تعيده ..

واكون مابين ايديه ...وافضل جوه ف عينيه 

هفهف نسيم جميل ..رفع شعرى بعيد ..

وقع على جبينه ..حلفنى قال سيبيه ..

قالهالى بطرف عينه ..

***وفجأة فتحت عينى

لاقيتنى وسط خوفى ..

ولاقيتنى وسط نار... 

من شوقها حارقه فيا ..

***عارفين.....؟؟

لاقيت فستانى بلته دموعى ...

لاقيت البدله سكناها وجوعى ..

لاقيت الحنه منقوشه سواد...

لاقيت الورد حتى ..

.......دبل ومات .......

**

***

****بقلم أريج الربيع..